गडचिरोली दि. 01: राज्यात सुरु असलेल्या 2 कोटी वृक्ष लागवड उपक्रम आपल्या पुढच्या पिढीच्या भवितव्यासाठी आहे. याला आता एक सामाजिक चळवळीचे स्वरुप आल्याचे बघून आनंद वाटला. असे प्रतिपादन खासदार अशोक नेते यांनी आज येथे केले .
विविध शासकीय कार्यालये, स्वयंसेवी संस्था, सामाजिक संघटना आणि नागरिक यांनी गडचिरोली जिल्ह्यात आपआपल्या कार्यक्रमाव्दारे वृक्ष लागवडीचा उपक्रम राबविला. याचा मुख्य सोहळा येथील चामोर्शी रोडवरील सेमाना वनसंकुलात झाला त्यावेळी नेते बोलत होते.
या कार्यक्रमास आमदार ड़़ॉ. देवराव होळी तसेच जिल्हाधिकारी ए.एस.आर. नायक, मुख्य वन संरक्षक कल्याणकुमार, पोलीस अधिक्षक अभिवन देशमुख, वनसंरक्षक लक्ष्मी अनबतुल्ला तसेच अपर जिल्हाधिकारी महेश आव्हाड यांची प्रमुख उपस्थिती होती.
जिल्ह्यास 5 लाख 98 हजार झाडे लावण्याचे उद्दीष्ट प्राप्त होते. मात्र 7 लाखाहून अधिक झाडे लावण्याचे नियोजन सर्वांनी केले होते. शहरात सकाळी नगरपालीकेच्या वतीने शालेय विद्यार्थ्यांची एक रॅली काढून वृक्षारोपणाचे आवाहन करण्यात आले. गडचिरोलीकरांनी प्रशासनातर्फे करण्यात आलेल्या आवाहनाला उत्स्फूर्त असा प्रतिसाद दिला. तसेच शासकीय अधिकारी आणि कर्मचारी यांनीही यात आपला सहभाग नोंदविला.
याठिकाणी खासदार आणि आमदार यांच्यासह सर्व शासकीय अधिका-यांनीही वृक्षारोपणात सहभाग घेतला. यावेळी अखिल भारतीय गुरूदेव सेवा मंडळ तसेच पतंजली योग समितीचे पदाधिकारी
आणि कार्यकर्ते देखील यात सहभागी झाले.
जिल्हाधिकारी ए. एस. आर. नायक यांच्या हस्ते सकाळी प्रथम खुले कारागृह परिसरात तसेच मुख्य कार्यक्रमानंतर नगर पालिकेतर्फे आयोजित कार्यक्रमात तसेच जिल्हाधिकारी कार्यालय परिसरातही वृक्षारोपण करण्यात आले.
आणि कार्यकर्ते देखील यात सहभागी झाले.
No comments:
Post a Comment